Мне падабаюцца многія школьныя прадметы. Напрыклад, англійская мова і замежная літаратура. На гэтых уроках мы атрымліваем тыя веды, якія нам спатрэбяцца ў дарослым жыцці. Без ведання замежных моў далёка не з'едзеш. Калі казаць пра літаратуру, то яна ўзбагачае ўнутраны свет чалавека і вучыць яго глядзець на рэчы па-новаму.
Мой самы любімы прадмет – гэта гісторыя. Нашы ўрокі праходзяць у спецыяльным гістарычным кабінеце. Тут на сценах вісяць карты і партрэты палітычных дзеячаў былых часоў.
Мне заўсёды падабалася чытаць пра гістарычныя падзеі. У мяне дома ёсць шмат кніг па гісторыі. Там апісана ўсё тое, што адбывалася ў нашай краіне на працягу стагоддзяў. Калі чытаеш пра гэта, то нібы робіш падарожжа ў часе. У думках трапляеш у мінулае і пачынаеш разумець, чаму адбыліся тыя ці іншыя падзеі.
Я лічу, што гісторыя з'яўляецца адным з найбольш важных і патрэбных урокаў. Яна вучыць нас разумець ўчынкі палітычных дзеячаў і знаходзіць прычыны даўніх падзей. Наш настаўнік гісторыі Іван Мікалаевіч заўсёды праводзіць вельмі цікавыя ўрокі. Нам ніколі не бывае сумна або нецікава яго слухаць. Настаўнік цытуе старажытных філосафаў і мудрацоў. Ён таксама ведае даты ўсіх войнаў і рэвалюцый на памяць.
Іван Мікалаевіч кажа, што мы абавязаны ведаць гісторыю сваёй краіны. Той, хто не ведае свайго мінулага, асуджаны перажыць яго зноў. З гэтым мудрым выразам нельга паспрачацца. Мы павінны зірнуць у вочы нашай гісторыі, каб убачыць у іх адказы на многія свае пытанні. Не дарма кажуць, што калі хочаш ведаць будучыню, азірніся назад і паглядзі ў мінулае. Гісторыя дапаможа нам стаць мудрэй і не здзяйсняць памылак.
